श्रीदेवीको मृत्यु प्रकरणमा नयाँ मोड: शरिरमा रगतसँगै भेटियो अल्कोहल

दुबई: बलिउड अभिनेत्री श्रीदेवीको मृत्युलार्इ लिएर फोरेन्सिक रिपोर्टमा नयाँ खुलासा भएको छ । यो रिपोर्ट अनुसार श्रीदेवीको निधन हृदयघातबाट नभइ होटलको बाथ टब डुबेर भएको हो ।

दुबर्इ पुलिसले सार्वजनिक गरेको फोरेन्सिक रिपोर्टमा श्रीदेवीको शरीरको रगतमा अल्कोहल पनि मिलेको भेटिएको छ ।

यो प्रकरणले नयाँ नयाँ मोड लिइरहँदा श्रीदेवी बेहोस भएर बाथ टबमा ढलेकी समाचार पनि सार्वजनिक भएको छ। पुलिसले यो प्रकरणको अगाडिको जाँचका लागि दुबई प्रोसिक्युसनलार्इ जिम्मेवारी दिएको छ । श्रीदेवीको निधन शनिवार राति भएको थियो ।

मदिराका कारण बाथटबमा खसिन्

गल्फ न्युजले पुलिसलार्इ उधृत गर्दै प्रकाशित गरेको समाचार अनुसार शुरुवाती जाँचमा मदिराको नशामा सन्तुलन बिग्रेर श्रीदेवी बाथटबमा खसेको जनाइएको छ । त्यसपछि उनी त्यहीँ डुबेर निधन भएको गल्फ न्यूजले लेखेको छ ।

खलिज टाइम्सले आइतवार राति उसको रिपोर्टमा पनि श्रीदेवीको शरिर पानीले भरिएको बाथ टबमा पाइएको जनाएको थियो ।

फोरेन्सिक रिपोर्टले के भन्यो ?

श्रीदेवीको फोरेन्सिक रिपोर्टमा यसलार्इ 'एक्सिडेन्टल ड्राउनिङ्ग' अर्थात 'दुर्घटनावश डुब्नु' लेखेको छ।

जाँच्नेले के भने ?

गल्फ न्युजलार्इ एक अधिकारीले बताए अनुसार श्रीदेवीको निधन हुनुअघिको अवस्था पत्ता लगाउन हरेक कोणबाट जाँच्ने काम भइरहेको छ । पुलिस एक-एक कडीलार्इ जोडेर श्रीदेवीको निधनको समयमा को को मानिस त्यहाँ उपस्थित थिए भन्ने पत्ता लगाउनमा जुटेको छ। श्रीदेवी होटलको रूम नम्बर २२०१ मा बसेकी थिइन् ।

कुन बेला निधन भयो ?

श्रीदेवीको मृत्यु शनिवार राति करिब साढे ११ बजे जुमैरा एमिरेट्स टावर होटलको कोठामा भएको थियो । श्रीदेवी आफ्ना पति बोनी कपुर र सानी छोरी खुशीसँगै भाञ्जा मोहित मारवाहको बिहेमा सहभागी हुन दुबर्इ गएकी थिइन् । बिहे २२ तारिखमा भएको थियो ।

शनिवार साँझ होटलमा के भयो ?

परिवारका एक निकटलार्इ उधृत गर्दै खलिज टाइम्सले लेखेको समाचार अनुसार बोनी कपुर बिहेमा सहभागी भएर मुम्बई फर्किएका थिए । २२ फेब्रुअरीमा उनी फेरि दुबर्इ फर्किए । त्यसपछि उनी साँझ साढे ५ बजे जुमैरा एमिरेट्स टावर होटल गए।

त्यहाँ श्रीदेवी बसेकी थिइन् । बोनी श्रीदेवीलार्इ सरप्राइज डिनरमा लाने तयारीमा थिए । बोनीले श्रीदेवीलार्इ उठाएर दुवैजना १५ मिनेट कुरा पनि गरेका थिए । त्यसपछि श्रीदेवी वास रूम छिरेकी थिइन् । जब उनी १५ मिनेटसम्म फर्किनन् तब बोनीले बाथरूमको ढोका ढक्ढकाएका थिए ।

भित्रबाट कुनै प्रतिक्रिया नआएपछि उनले धक्का दिएर ढोका खोले । बोनीले श्रीदेवीलार्इ अचेत अवस्थामा बाथटब लडेको देखे । बोनीले उनलार्इ होमा ल्याउने कोशिश गरे तर सफल भएनन् । त्यसपछि उनले आफ्ना साथीलार्इ फोन गरे । उनले करिब ९ बजे पुलिसलार्इ जानकारी दिए ।

बाथरूममा बेहोस भएर लडेपछि उनलार्इ दुबईको रशिद अस्पताल लगियो । जब श्रीदेवीलार्इ उपचारका लागि अस्पताल लगियो, त्यस भन्दा पहिले नै उनको निधन भइसकेको थियो ।