साउदी अरबमा सबै आला सैन्य अधिकारी बर्खास्त, महिला बनिन् उपमन्त्री

रियाद: साउदी अरबले सोमबार मध्यराति एक शाही उर्दी जारी गर्दै देशका सबै आला सैन्य अधिकारीलार्इ बर्खास्त गरिदिएको छ ।बर्खास्तीम पर्नेमा सेना प्रमुख पनि सामेल छन् ।

बर्खास्तीमा परेका सबै सैन्य अधिकारी वायुसेना र स्थल सेनाका आला अधिकारी सामेल छन् । यसका अलावा साउदी सरकारले केही उपमन्त्रीको पनि नियुक्ति गरेको छ। जसमा एउटा नाम तमादुर बिन्त युसुफ अल रमाह नामकी महिला उपमन्त्री पनि सामेल छिन् ।

साउदी अरबमा कोही पनि महिलाले उपमन्त्रीबन्नु सामान्य कुरा मानिन्न । यो निर्णय यमनमा साउदी नेतृत्वमा बिद्रोहीहरुसँग भइरहेको लडाइँ करिब तीन वर्ष पुग्न लागेको पूर्वसन्ध्यामा भएको हो ।

यमनमा साउदी हस्तक्षेपका कारण हुथी विद्रोही देशको दक्षिणतर्फ सीमित भएका छन् । तर अहिले पनि उनीहरु राजधानी सना र अन्य कयौँ इलाकामा बलियो साथ सक्रिय छन् ।

लगभग तीन सालदेखि लडिरहेको साउदी सेनाले सीधा असर देशको अर्थव्यवस्थालाई अतिरिक्त बोझ दिने देखिएको छ । साथै हुथी विद्रोहीले साउदी अरबको राजधानी रियादमा मिसाइल आक्रमण गर्ने धम्की पनि दिइरहेको छ ।