काठमाडौँ: दैलेखबाट काठमाडौँ आउँदै गरेका एक युवा नागढुंगा चेक पोस्टबाट विस्फोटक पदार्थसहित पक्राउ परेका छन् ।
महानगरीय प्रहरी प्रभाग नागढुङ्गाको टोलीले चन्द्रागिरी नगरपालिका-२ नागढुंगा चेक पोस्टबाट दशरथबहादुर शाहीलाई डेटोनेटर र सेफ्टी फ्यूजसहितका विस्फोटक पदार्थसहित मंगलबार पक्राउ गरेको हो ।
धादिङबाट काठमाडौँतर्फ आउँदै गरेको बा ३ ख ९७१९ नं. को बसमा चेकजाँच गर्ने क्रममा दैलेखको नौमुले गाउँपालिका-८ घर भएका दशरथ बहादुर शाहीको झोलाबाट डेटोनेटर ४४ था, सुपरपावर ९० लेखेको लोला १२ थान, सेफ्टीफ्युज २५ मिटर, कालो टेप थान २ र रबरको गुलेली थान १ प्रहरीले बरामद गरेको हो ।
विष्फोटक पदार्थका सामानसहित पक्राउ परेका शाहीलाई अनुसन्धान तथा कारवाही गर्न महानगरीय प्रहरी वृत्त थानकोट पठाइएको छ ।
प्रतिक्रिया दिनुहोस !
