हत्या र लुटपाट बढ्यो, ६ महिनामै सातको हत्या

गौर : रौतहटमा ६ महिनामा सातको हत्या भएको छ भने दिनहुँजसो लुटपाट र चोरीका घटना हँदै आएका छन् । गाउँमा रहेको प्रहरीको निष्क्रिय कारण हत्या तथा लुटपाटका घटना बढेको स्थानियको आरोप छ । गएको सोमबार राती कटहरिया नगरपालिका–१ भसेढवाटोलका ४० वर्षीय शिवमंगल महतोको हत्या भएको छ । छेदीचौकमा रहेको प्रहरी चौकी नजिकै महतोको कुटपिट तथा बन्चरो प्रहारबाट हत्या भएको हो ।

राजपुर नगरपालिका –९ बैरियाटोलका आडठ वर्षीय बालक महफुज देवानको गएको माघ ९ गते हत्या भएको थियो । गाउँ नजिकै धारिलो हतियार प्रहारगरी हत्या गरिएको अवस्थामा बालकको शव फेला परेको थियो । गएको असोज ३ गते कटहरिया नगरपालिका–८ का रामपुकार यादवको हत्या भयो ।

असोज ९ गते परोहाका अब्बु भनिने स्वयव अक्बर मारिए यस्तै १३ गते मौलापुर नगरपालिका–५ बजारमा चिरान मिल संचालक चन्द्रपुर–१० बरेडवाका ४५ वर्षीय वीरेन्द्र साहको भाला रोपेर हत्या गरियो । असोज १४ गते वृन्दावन –५ की ३ वर्षीया अन्जलीकुमारी यादवको हत्या भएको थियो । मंसिर २४ गते चन्द्रपुर–१० बलवाटोलका नेमिलाला ठाकुरको कुटपिटपछि मृत्यु भएको थियो । बालचनपुर बजारमा सैलुन सञ्चालन गर्दै आएका ठाकुरको पसलमा दिउँसै हत्या भएको थियो ।

जिल्लाका विभिन्न स्थानमा हत्या, लुटपाट, चोरी तथा झैझगडाका घटना वृद्धि भएको स्थानियबासीले गुनासो गर्दै आएका छन् ।
केही दिन अघि चन्द्रनिगाहपुर चौकमा चन्द्रपुर ५ का पुरुषेतम घिमिरेलाइ कुटपिट गरी नगद तथा सुन लुटिएको थियो । चन्द्रनिगाहपुर, गरुडा, गौर बजारका पसलहरुमा चोरीका घटना समेत बढेको व्यापारीहरुले बताएका छन् ।

एकै दिन बन्दुकधारी समुहले तीनदिन अघि वडा अध्यक्ष सहीत ६ जना लाई कुटपिट गरी नगद तथा सामान लुटपाट गरेका छन ।
कटहरिया नगरपालिका ४ स्थित लालबकैया नदी किनारमा मंगलवार वेलुका बन्दुक वोकेका व्यक्तिहरुले मोटरसाईकलमा सवार मौलापुर नगरपालिका १ का वडाअध्यक्ष रामप्रवेस यादवको चारहजार नगद, मोबाईल तथा सामान लुटेका थिए ।

मौलापुर नगरपालिका २ का भरोसी यादवको ८ हजार तथा छोरीको बिहेको लागी ल्याउदै गरेको कपडा समेत लुटिएको यादवले बताएका छन । सोही दिन स्थानिय ब्यापारी चुनचुन साह, गुलाब मिया राजाबाबु जयसवाल लगायतका मानिसलाई बन्दुकधारी समुहले कुटपिट गरी लुटपाट गरेको जिल्ला प्रहरी कार्यालय रौतहटले जनाएको थियो ।

भारत र नेपालको खुल्ला सिमाना का कारण अपराधीहरु उम्कने गरेको र प्रहरीको निस्कृयताले गर्दा अपराधीहरु पक्राउ नपर्ने गरेको पिडितहरुको भनाइ छ । सिमित साधन र श्रोत भएपनि सुरक्षाका लागी सवै उपायहरु अपनाउँदै आएको रौतहटका प्रहरी अधिकृतहरु बताउछन । रौतहटमा नेपाल प्रहरीको अस्थायी पोष्ट सहित ४७ भन्दा बढी युनिट छन् ।

हत्या तथा अन्य अपराधिक घटनामा संलग्नलाइ पक्राउ गरी कार्वाहीगर्दै आएको जिल्ला प्रहरी कार्यालय रौतहटका प्रमुख प्रहरी उपरीक्षक यज्ञबिनोद पोखरेलले बताउदै आएका छन् । भारत नेपाल सिमा नाकाबाट हुने तस्करी , रौतहटको बनबाट हुदै आएको काठ तस्करी समेत प्रहरीले नियन्त्रणगर्न चासो राखेको देखिदैन ।