काठमाडौँ: आईसीसी विश्वकप क्रिकेट छनोट खेलअन्तरगत जिम्बाब्वेले दिएको ३८१ रनको लक्ष्य पछ्याइरहेको नेपालका लागि शरद भेषवाकरले अर्धसतक बनाएका छन् ।
पाँचौ क्रममा क्रिजमा आएका भेषवाकरले ४७ बलमा ५२ रन बनाउँदै आउट भएका छन् । अर्धसतक पुरा गर्ने क्रममा उनले ६ चौका र १ छक्का पनि हाने ।
शरदलाई साथ दिइरहेका अरिफ शेखले पनि ३३ बलमा २३ रन बनाएका छन् । उनले दुई चौका पनि हानेका छन् । शरदलाई ४८ बलमा ५२ रन बनाएको अवस्थामा राजाले एलबीडब्लु धरापमा पारेर पेभेलियन फर्काएका छन् ।
टेस्ट र वान डेमा अनुभवी जिम्बाब्वेलाई नेपालले ६ विकेटको क्षतिमा ३८० रनमा रोकेको थियो । जवाफी ब्याटिङमा उत्रेको नेपालका लागि कप्तान पारस खड्काले ४० र उपकप्तान ज्ञानेन्द्र मल्ले ३२ रन बनाए ।
नेपाल अहिले ३७ ओभरमा ५ विकेट गुमाउँदै १८३ रनको अवस्थामा छ । अब जिम्बाब्वेलाई हराउन नेपालले ७८ बलमा १९८ रन बनाउनुपर्ने चुनौती छ ।
प्रतिक्रिया दिनुहोस !
