काठमाडौं : जिम्बावेमा जारी एकदिवसीय विश्वकप छनोट प्रतियोगिताको समूहगत चरणको अन्तिम खेलमा सोमबार भइरहेको खेलमा नेपालका सोमपाल कामीले दोस्रो सफलता दिलएका छन् ।
हङकङले टस जितेर पहिले ब्याटिङमा जाने निर्णय गरेपछि बलिङको निम्तो पाएको नेपालका लागि उनले बबर हायातलाई खेलको ११ औँ ओभरमा पेभेलियनको बाटो देखाएका हुन् । हायातले १६ बलमा २० रन बनाउँदै राम्रो सुरुवात गरेका थिए ।
यसअघि नेपालका लागि बसन्त रेग्मीले छैटौँ ओभरमा हङकङको पहिलो विकेट लिएका थिए । उनले हङकङका कार्टरलाई २१ बलमा ९ रन बनाएको अवस्थामा पहिलो विकेटका रुपमा पेभेलियन पठाएका थिए ।
ताजा अवस्थामा हङकङ ११ ओभरको सामना गर्दै २ विकेटको क्षतिमा ५३ रन बनाएर खेलिरहेको छ । नेपालले नेपालले सुपर सिक्स चरणमा पुगेर विश्वकपममा स्थान बनाउन हङकङलाई ठुलो अन्तरले हराउनुपर्ने बाध्यता छ ।
समूहगत चरणका अघिल्ला तीन खेलमा नेपालले लगातार हार खेपेको छ । हङकङसँग पराजित भएमा नेपालको विश्वकप छनोट यात्रामा पूर्णविराम लाग्नेछ।
समूहगत चरणको तेस्रो खेलमा शनिबार अफगानिस्तानसँग ६ विकेटले पराजित भएपछि नेपालको विश्वकप छनोट र एकदिवसीय टोलीको मान्यता पाउने लक्ष्य कठिन बनेको थियो। यद्यपि अगाडि बढ्ने झिनो गणितीय सम्भावना बोकेको नेपालका लागि हङकङविरुद्धको खेल गर या मरको अवस्थामा छ।
प्रतिक्रिया दिनुहोस !
