काठमाडौँ: महानगरीय ट्राफिक प्रहरी महाशाखाले ट्राफिक प्रहरीलाई घुस दिन खोज्ने मोटरसाइकल चालकलाई पक्राउ गरेको छ ।
महाशाखाको टोलीले सिंहदरबार चोकमा ट्राफिक प्रहरीले जाँच गर्ने क्रममा सवारी नियम उलंघन गरेबापत चिट लिन नमानी घुस दिन खोज्ने मोटरसाइकल चालक पक्राउ परेका हुन् । चिट नकाटी मिलाइदिनुहोस् भन्दै ५०० रुपैयाँ घुस दिन लाग्दा सर्लाही घर भई भक्तपुर बस्ने भुवन मोक्तानलाई प्रहरीले मंगलबार दिउँसो पक्राउ गरेको हो ।
महाशाखाका सहप्रवक्ता मुकुन्द मरासिनीले घुस दिनेलिने दुवैलाई कारबाही गरिने जानकारी दिए। पक्राउ परेका मोक्तानलाई आवश्यक कारबाहीका लागि महानगरीय प्रहरी वृत्त सिंहदरबार पठाएको महाशाखाले जनाएको छ ।
प्रतिक्रिया दिनुहोस !
