आफन्तको कुटपिटबाट एक मृत्यु
वीरगन्ज : बाराको प्रसौनी गाँउपालिका वडा नम्बर १ मा आफनै आफन्तको कुटपिटबाट एक जनाको मृत्यु भएको छ । स्थानीय ५५ वर्षीय गणपत राउत पटेलको आफन्तको कुटपिटबाट मृत्यु भएको हो । जग्गाको विषयमा पहिलेदेखि नै चल्दै आएको विवादलाई लिएर बिहीबार झगडा हुँदा गणपतका काका पट्टीका छोरा प्रमोद पटेल र प्रमोदका बहिनी ज्वाँइ विनोद पटेलले कुटपिट गर्दा गणपतको मृत्यु भएको हो ।
कुटपिटबाट गम्भीर घाइते भएका गणपतको वीरगन्जको नारायणी उपक्षेत्रीय अस्पतालमा उपचारका क्रममा बिहीबार बिहान साढे आठ बजे मृत्यु भएको बाराका प्रहरी नायव उपरीक्षक भुवनेश्वर साहले बताए ।
कुटपिटमा संलग्न मध्येका प्रमोद र विनोदलाई प्रहरीले पक्राउ गरिसकेको भन्दै प्रहरी नायव उपरीक्षक साहले भने,‘ कुटपिटमा संलग्न अन्य व्याक्तिहरुको पनि खोजी भइरहेको छ, घटनाका बारेमा पनि थप अनुसन्धान भइरहेको छ ।
प्रतिक्रिया दिनुहोस !
