बोक्सी आरोपमा कुटपिट गर्ने सार्वजनिक
कैलाली : घोडाघोडी नगरपालिका –५ मा बोक्सीको आरोप लगाएर युवती राधा चौधरीमाथि कुटपिट गरेको आरोपमा पक्राउ परेका मध्ये तीनलाई प्रहरीले सार्वजनिक गरेको छ ।
घोडाघोडी नगरपालिका –५ देउकलियाका भोलेबाबा भनिने २३ वर्षीय रामबहादुर चौधरी, किस्मती चौधरी, घोडाघोडी नगरपालिका ३ ढुसरकी २४ वर्षीया पार्वती भनिने स्मारिका चौधरीलाई प्रहरीले सार्वजनिक गरेको हो ।
यसअघि सार्वजनिक भएको भिडियोमा तीनैजनाले राधामाथि बोक्सीको आरोपमा कुटपिट गरेका थिए । त्यस्तै, प्रहरीले मतियारको रुपमा रामबहादुर चौधरीकी आमा सीतारानी चौधरी, चनकला चौधरी र बेदप्रसाद चौधरीलाई पनि पक्राउ गरेको छ ।
उनीहरुलाई बोक्सीको आरोपमा मतियार बनेको भन्दै पक्राउ गरी मुद्धा चलाएको प्रहरीको भनाइ छ । प्रहरीले अन्य मतियारलाई भने पत्रकार सम्मेलनमा सार्वजनिक गरेन ।
प्रतिक्रिया दिनुहोस !
