गाईघाट : बलात्कारको आरोपमा प्रहरीले बिहीबार उदयपुरका एक युवालाई पक्राउ गरेको छ । फागुन २८ गते राती घरमा सुतिरहेकी २६ वर्षीया युवतीलाई ढोका फोडेर बलात्कार गरेको आरोपमा प्रहरीले त्रियुगा नगरपालिका–१४ साउने बरगाछीस्थित सिरुडाँडाका ३९ वर्षीय शिब राईलाई पक्राउ गरेको हो ।
पीडितले बिहीबार जिल्ला प्रहरी कार्यालयमा दिएको निवेदनका आधारमा प्रहरी चौकी साउनेले चप्पन जङ्गलबाट पक्राउ गरेको प्रहरी प्रमुख प्रहरी उपरीक्षक नवराज भट्टले जानकारी दिए । पक्राउ परेका राईलाई प्रहरी हिरासतमा राखी थप अनुसन्धान प्रकृया सुरु गरिएको प्रहरीले जनाएको छ । पीडितको बिहीबार नै जिल्ला अस्पताल बोक्सेमा स्वास्थ्य जाँच गरिएको छ ।
प्रतिक्रिया दिनुहोस !
