म्याग्दी : म्याग्दीको बेनी–गलेश्वर सडकखण्डअन्तर्गत जलेश्वरमा बिहीबार राति भएको बोलेरो दुर्घटनामा एकजनाको मृत्यु भएको छ।सामान छोडेर गलेश्वरदेखि बेनीतर्फ आउँदै गरेको ग २ च ४०४४ नम्बरको बोलेरो दुर्घटना हुँदा घाइते भएका चालक र रकबहादुर सुनारको उपचारका क्रममा जिल्ला अस्पतालमा मृत्यु भएको जिल्ला प्रहरी कार्यालयले जनाएको छ।
मालिका गाउँपालिका–४ घर भएका करिब २८ वर्षीय सुनारको शव परीक्षणको लागि बेनी अस्पतालमा राखिएको जिल्ला ट्राफिक प्रहरी प्रमुख शिवप्रसाद पाठकले जानकारी दिए। दुर्घटनामा परेको उक्त बोलेरो सडकबाट करिब १५ मिटर तल कालीगण्डकी नदीको किनारमा खसेको थियो। रासस
प्रतिक्रिया दिनुहोस !
