‘जनशक्ति र पुर्वाधार नहुँदा प्रदेश सरकार अफ्ठेरोमा’
घोराही: पाँच नम्बर प्रदेशमाका मुख्य मन्त्री शंकर पोखरेलले प्रदेश सरकार सञ्चालनका लागि जनशक्ति र भौतिक पुर्वाधार अभाव भएको बताएका छन् ।
घोराही उपमहानगरपालिकाको हिउँदे दोस्रो नगरसभाको उद्घाटन गर्दै मुख्यमन्त्री पोख्रेलले त्यस्तो बताएका हुन् ।
उनले प्रदेश र स्थानीय सरकारलाई आवश्यक जनशक्ति र भौतिक संरचना नहँुदा काम गर्न असहज र समस्या भएको भन्द्र केन्द्रीय सरकारले त्यो व्यवस्था छिटो गरिदिनुपर्ने बताए ।
उनले केन्द्र सरकारमा आवश्यकता भन्दा बढी जनशक्ति र भौतिक संरचना भएको बताउँदै स्थानीय र प्रदेश सरकारमा आवश्यक जनशक्ति र भौतिक संरचना दिन प्रधानमन्त्रीलाई आग्रह गरिसकेको बताए ।
‘जिल्लास्तरका कार्यालय खारेजी भए पनि सेवा अन्त्य हुने हैन । उक्त सेवा त्यो भन्दा तल्लो तहबाटै प्रदान हुने हो,’ उनले भने, ‘जिल्लास्तरमा केन्द्र सरकारले दिने सेवा सुविधा अब स्थानीयतहमा आएको छ ।’
स्थानीय तहले अहिलेको जनशक्ति र भौतिक संरचनाबाट दिएको सेवा नागरिकका लागि पर्याप्त नभएको भन्दै अब स्थानीय तहले आवश्यक पर्ने जनशक्तिसहितको भौतिक संरचना तयार पार्न आवश्यक भएको बताए ।
मुख्यमन्त्री पोख्रेलले आर्थिक व्ययभारलाई मध्यजनर गरेर कानुन बनाउन स्थानीय तहलाई निर्देशन दिएका छन् । जनताले थेग्न सक्ने, चलायमान बनाउन सक्ने र नबाझिने गरी कानुन बनाउनुपर्ने उनको सुझाव छ ।
कानुन बनाउँदै घोराही
घोराही उपमहानगरपालिकाले नयाँ संरचना अनुसार कार्य सञ्चालन तथा नियमनका लागि कानुन बनाउन थालेको छ । हिउँदे दोस्रो नगरसभाको आयोजना गरी उपमहानगरले कानुन पारित गर्न थालेको हो ।
शनिवार उद्घाटन भएको नगरसभामा नगर प्रमुख नरुलाल चौधरीले ७ वटा कानुन र नियमावली पारित गर्ने जानकारी दिएका छन् ।
नगरसभाले आर्थिक कार्यविधि नियमित तथा व्यवस्थित गर्न बनेको ऐन, सहकारी ऐन, शिक्षा ऐन, कृषि व्यवसाय प्रर्बद्धन ऐन, न्यायीक समितिको कार्यविधि सम्बन्धी ऐन र एफएम रेडियो सञ्चालन तथा व्यवस्थापन ऐनलाई पारित गर्ने छ ।
अहिलेसम्म बसेका कार्यपालिकाका २६ वटा बैठकले ११ वटा कार्यविधि निर्माण र २ वटा नियमावली बनाएको उनले जानरकारी दिए । यो नगरसभाबाट शिक्षा नियमावली समेत पारित गर्ने कार्यक्रम रहेको नगर प्रमुख चौधरीले बताए ।
फोटो ः नगर सभाको उदघाटन गर्दै मुख्य मन्त्री पोख्रेल
प्रतिक्रिया दिनुहोस !
