पर्सा : पर्साको सखुवाप्रसौनी गाउँपालिकामा आइतबार राति भएको सवारी दुर्घटनामा परी १७ वर्षीय युवकको मृत्यु भएको छ।गाउँपालिका वडा नं ५ महुवन नजिकै ना१त ८८३६ नंको ट्याक्टरले ठक्कर दिँदा ना५१प २७७ नंको मोटरसाइकलमा सवार रहेका स्थानीय रत्न साह कलवारको मृत्यु भएको हो।
बालुवा ढुवानी गर्ने ट्याक्टरले विपरीत दिशाबाट आएको मोटरसाइकललाई ठक्कर दिँदा गम्भीर घाइते भएका मोटरसाइकल चालक कलवारलाई वीरगञ्जको नारायणी उपक्षेत्रीय अस्पतालमा लैजाने क्रममा मृत्यु भएको जिल्ला प्रहरी कार्यालयले जनाएको छ।
शव परीक्षणका लागि उपक्षेत्रीय अस्पतालमा राखिएको छ भने ट्याक्टर र विन्दवासिनी गाउँपालिका–३ निवासी ट्र्याक्टर चालक दिनेश चौरसियालाई आवश्यक अनुसन्धानका लागि नियन्त्रणमा लिइएको प्रहरी नायब उपरीक्षक राजन लिम्बूले जानकारी दिए।रासस
प्रतिक्रिया दिनुहोस !
५
