बाजुरामा स्वास्थ्य बिमा शुभारम्भ

बाजुरा : “तपाइको स्वास्थ्य हाम्रो अठोट” भन्ने नारा सहित बाजुरा जिल्लामा स्वास्थ्य बिमाको सदस्य दर्ता कार्यक्रम शुभारम्भ भएको छ । आइतबार कार्यक्रमको औपचारिक रुपमा प्रतिनिधिसभाका सदस्य सांसद लाल बहादुर थापा र जिल्ला समन्वय समिति बाजुराका संयोजक नरेन्द्र कुमार रोकायाले आफ्नो नाम दर्ता गरी स्वास्थ्य बिमा सदस्य बने ।

सबै नेपाली नागरिकहरुलाई सर्वशुलभ रुपमा गुणस्तरीय स्वास्थ्य सेवाको पहँुच र उपयोगमा सुधार ल्याई सामाजिक स्वास्थ्य बिमाको माध्यायबाट सबैका लागि स्वास्थ्य सेवा सुनिश्चित गर्ने उदेश्यका साथ बिमा कार्यक्रम सुरु गरिएको हो । स्वास्थ्य सेवा बोर्डले सामाजिक स्वास्थ्य सुरक्षा (स्वास्थ्य बिमा) कार्यक्रम सञ्चालन गर्ने लागिएको जिल्ला स्वास्थ्य कार्यालय बाजुराका प्रमुख डा.रुपचन्द्र विश्वकर्माले बताए ।

०७४÷७५ सम्म कुल ३९ जिल्लामा सामाजिक सुरक्षा कार्यक्रम पुर्‍याउने योजना रहेको छ । सरकारको सन् २०२२ सम्म अति कम विकसित राष्ट्रको सूचीबाट मध्यम आय भएका विकाशिल मुलुकको सुचीमा सूचीकृत हुन सहयोग पुग्ने आशा लिएको उनँको भनाईे छ ।

प्रदेश नं. ७ को कैलाली जिल्लामा २०७३ चैत २५ गतेबाट लागु भएको थियो । अहिले बाजुरासँगै ३२ जिल्लामा कार्यक्रम विस्तार भइसकेको छ । हालसम्म सबै जिल्लाको रु ३३ करोड योगदान रकम संकलन भएको बताइएको छ ।

स्वास्थ्य बिमा कार्यक्रमका ६ लाख ८ हजार ५ सय ४० जना सदस्य मध्येका १ लाख ३२ हजार जना सेवाग्राहीहरुले साना तथा ठुला प्रकृतिका स्वास्थ्य उपचार सेवा लिइसकेका छन् । त्यस वापतको स्वास्थ्य संस्थाहरुले २३ करोड भुतmानी पाएका प्रदेश नं. ७ को स्वास्थ्य बिमा संयोजक जनक साउँदले बताए ।