बन्चरो प्रहार गरी ससुराको हत्या
रोल्पा : पश्चिमी रोल्पामा ज्वाइले ससुराको हत्या गरेका छन् । बन्चरो र लाठी प्रहर गरी ससुराको हत्या गरेको आरोपमा गंगादेव गाउँपालिका–४ पाखापानीका ३१ वर्षीय दिपेन्द्र वलीलाई प्रहरीले पक्राउ गरेको हो ।
बिहीबार बेलुका ५२ वर्षका ससुरा नरसिंह वलिलाई हत्या गरेको सूचना गाउँले दिएपछि प्रहरी घटना स्थल पुगेको जिल्ला पहरी कार्यालयले जनाएको छ ।
जिल्ला प्रहरी कार्यालयका प्रहरी निरीक्षक नरबहादुर खड्काका अनुसार हत्यापछि फरार रहेका दिपेन्द्रलाई प्रहरीले पक्राउ गरेको छ । रातको ११ बजे प्रहरीलाई सूचना आएपछि प्रहरी टोली घटनास्थल पुगेको थियो । हत्या आरोपित वली लुकिछिपी बसेको अवस्थामा पक्राउ परेका हुन् ।
हत्याको कारण खुल्न सकेको छैन । घर्तीगाउँ इलाका प्रहरी कार्यालयले घटनाबारे अनुसन्धान गर्ने जिल्ला प्रहरी कार्यालयले जनाएको छ । करिव दुई हप्ता अघि रोल्पाकै नुवागाउँमा पनि भाईले दाईको दुई छोराछोरीको बन्चरो प्रहार गरि हत्या गरेका थिए ।
प्रतिक्रिया दिनुहोस !
