वीरगन्ज : ‘नेपाल आइडल’ को दोश्रो सिजनका लागि शनिबार वीरगन्जमा अडिसन सम्पन्न भएको छ । वीरगन्जको जिएचपी माध्यमिक विद्यालय परिसरमा भएको अडिसनमा पर्सा, बारा, रौतहट, मकवानपुर, सर्लाही, बाग्लुङ, कास्की जिल्लाबाट युवा युवतीले सहभागिता जनाए ।
जिएची मावि परिसरमा शनिबार बिहान नौ बजेदेखि शुरु भएको अडिसन अपरान्ह चार बजेसम्म चलेको थियो । वीरगन्ज अडिसनमा उत्साजनक सहभागीता भएको नेपाल आइडलका निर्देशक एवम् प्रोजेक्ट म्यानेजर सुरेश पौडेलले बताए ।
उनले वीरगन्ज अडिशनबाट नेपाल आइडलका लागि आशलाग्दा प्रतिभा अघिल्लो चरणका लागि छनोट भएको बताए । वीरगन्ज अडिनशनबाट छनोट भएका प्रतिभागीलाई हेटांैडामा वैशाख ३ गते हुने अडिशनमा सहभागी गराएर अर्को चरणका लागि छनोट गरिने छ।
नेपाल आइडलको दोस्रो सिजनमा देशभरका अडिसनबाट ८० देखि एक सय जना सहभागी हुनेछन् । अन्तिममा काठमाडौंमा हुने अडिशनबाट २० जना छान्ने योजना रहेको निर्देशक पौडेलले जानकारी दिए ।
प्रतिक्रिया दिनुहोस !
