कुहिना तथा घुँडाको कालो दाग हटाउने घरेलु उपाय
शरीरमा भएको कालोपन हटाउने विभिन्न तरिका भएपनि घरेलु विधि सबैभन्दा फाभदायक मानिन्छ।सस्तो र घरमै बसेर छालालाई दागरहित बनाउन सकिने भएकाले घरेलु विधि सबैको रोजाइमा परेको हो। यो विधिबाट कुहिना वा घुँडामा देखिने कालो दाग सजिलै हटाउन सकिन्छ। त्यसका लागि नियमित तल दिइएको विधि अपनाउन भने बिर्सनु हुँदैन।
काँक्रो वा इमली : एक चम्चा काँक्रोको रस र एक चम्चा इमलीकी रस मिलाएर कुहिना र घुँडामा लगाउनुपर्छ। लगाएको १५ मिनेट पछि पानीले सफा गर्नुपर्छ।नियमित यसो गर्दा कालाे दाग हटेर जान्छ।
दही वा भिनेगेर : दहीमा प्रशस्त मात्रामा पौष्टिक तत्व पाइन्छ।यसले ब्लिचको काम पनि गर्छ।एक कचौरा दहीमा एक चम्चा भिनेगेर मिसाएर बनाएको लेप घुँडा तथा कुहिनामा लगाउँदा छाला सफा देखिन्छ।
नरिवलको तेल : नरिवलको तेलमा प्रशस्त मात्रामा प्रोटिन हुन्छ। प्रत्येक रात सुत्नुभन्दा अगाडी कालो दाग भएको भागमा नरिवलको तेलले मालिस गर्नुपर्छ।नियमित यसो गर्दा छाला दागरहित हुन्छ।
दूध र मह : एक कचौरामा दूध र मह राखेर लेप बनाउने।उक्त लेपलाई घुँडा र कुहिनामा लगाउने। १० मिनेट पछि सफा चिसो पानीले पखाल्ने।
कागतीको रस : सुत्नुभन्दा अघि नियमित कागतीको रस कुहिना र घुँडामा लगाउने। आधा घण्टा पछि पखाल्ने। यसो गर्दा कुहिना र घुँडामा भएको कालो दाग हटेर जान्छ।
प्रतिक्रिया दिनुहोस !
