सन्धिखर्क : भूमिकास्थान नगरपालिकाका-१ ढाकावाङ्गका किशोर-किशोरी जीवनपयोगी कुरा सिक्न पाउँदा खुसी छन्।जान्नै पर्ने तर समाजमा कुरा गर्न र आफन्तसँग पनि भन्न नमिल्ने कुराको ज्ञान पाउँदा उनीहरु खुसी भएका हुन्।
ढाकाबाङ्गकी किशोरी मञ्जु नेपालीले विद्यालयमा प्रजनन् स्वास्थ्यका बारेमा पढे पनि विद्यालयमा पढनु र यस्ता कार्यक्रममा सिक्नु फरक भएको बताइन्।
'विद्यालयभन्दा यस्ता कार्यक्रमबाट धेरै कुरा सिकिदो रहेछ। सुरक्षित मातृत्व र प्रजनन स्वास्थ्यका बारेमा यति धेरै कुरा जानिएको थिएनन्। यति धेरै कुरा सिकियो, यसले हाम्रो जीवनमा नयाँ परिवर्तन ल्याउने छ, उनले भनिन।
किशोर- किशोरी प्रजनन स्वास्थ्यका बारेमा जानकारी पाएपछि स्थानीय सागर पौडेललले भुमिकास्थान नगरपालिका-१ नम्बर वडालाई किशोर-किशोरी मैत्री बनाउनुपर्नेमा जोड दिए। साथै उनले किशोर-किशोरीको विषय कसैको प्राथामिकातामा परेन् अब भुमिकास्थान नगरपालिका र १ नम्बर वडाले किशोर- किशोरी लक्षित कार्यक्रममा जोड दिन वडा अध्यक्षलाई आग्रह गरे।
पर्यावरण सचेतन समूह–एग नेपाल र मेरी स्टोप सेन्टर सन्धिखर्कको आयोजनामा गरेको प्रजनन स्वास्थ्य र सुरक्षित मातृत्वसम्बन्धी अन्तरक्रिया कार्याक्रममा सहभागीले यस्तो बताएका हुन्।
कार्यक्रममा पर्यावरण सचेतन समूहका सचिव नारायण भुसालले हामीले किशोर-किशोरीलाई प्रजनन् स्वास्थ्य र सुरक्षित मातृत्वको बारेमा जनचेतना फैलाउन यो कार्यक्रम सञ्चालन गरेको बताए।
भुमिकास्थान नगरपालिका वडा-१का अध्यक्ष भोजराज खनालले किशोर- किशोरीलाई प्रथामिकतामा राखेर ढाकावाङ्गमा कार्यक्रम गरेकोमा पर्यावरण सचेतन समूहलाई धन्यवाद दिए।उनले भने,'हामी जनप्रतिनिधिले पनि किशोर- किशोरीप्रति चासो दिन सकेका थिएनौ।जीवनपयोगी यस्ता कार्यक्रमले किशोर-किशोरीलाई सही बाटो देखाउन महत्वपूर्ण भूमिका खेल्नेछ।'
प्रतिक्रिया दिनुहोस !
