‘सय दिनभित्र ६ वटा चिनियाँ जहाज नेपाली आकाशमा’
काठमाडौं : सस्कृति नागरिक तथा पर्यटन उड्यन मन्त्री रवीन्द्र अधिकारीले चिनियाँ वाई १२ जहाज ग्रहण गर्दै जहाजले नियमित उडान भरेपछि मात्र चीन र नेपालको सम्बन्ध सुधार हुने बताएका छन् ।
मंगलबार चिनियाँ एपीक कम्पनीले दुई वटा वाई १२ जहाज नेपाल सरकारलाई हस्तान्तरण गरेको कार्यक्रममा बोल्दै मन्त्री अधिकारीले यस्तो बताएका हुन् । यसअघि चीनले चार जहाज बुझाइसकेको थियो । योसँगै दुई सरकारबीच २०६९ मा भएको सम्झौता अनुरुप ६ जहाज ल्याउने प्रक्रिया पूरा भएको छ ।
चीनले एउटा एमए ६० र वाई १२ अनुदानमा उपलब्ध गराएको हो भने सरकारले एक एमए र तीन वाई १२ जहाज खरिद गरेको हो । एमए ६० जहाजले नियमित उडान भरे पनि वाई १२ जहाज पाइलट अभावका कारण विमानस्थलमै थन्किएका छन् ।
‘यी जहाज एक प्रदेशबाट अर्को प्रदेशमा उड्न सक्छन्’, मन्त्री अधिकारीले भने, ‘पाइलट अभावको समस्या न्युनिकरण गर्दै अबको सय दिनभित्र जहाज पार्किङमा होइन आकाशमा देख्न पाउँनुपर्छ ।’ 
प्रतिक्रिया दिनुहोस !
