दाङलाई राजधानी बनाउनेबारे महराको कुटनीतिक जवाफ
एकीकृत विकासमा साझा पहल
गोपाल शर्मा
घोराही: संघीय संसदका सभामुख कृष्णबहादुर महराले दाङको एकीकृत विकासका लागि साझा पहल र ठोस योजनाको आबश्यक रहेको बताएका छन् ।
उनले ठोस योजना र दीर्घकालिन योजनालाई लिएर अघि बढन सके एकीकृत विकासमा सहज हुने बताए । जिल्ला समन्वय समिति दाङले मंगलबार घोराहीमा गरेको दाङको समृद्धिका लागि दूरदर्शी योजना विषक अन्तरक्रिया कार्यक्रममा बोल्दै सभामुख महराले यस्तो बताएका हुन । उनले अबको गन्तव्य समृद्ध दाङ भएको बताए ।
विकासका लागि बजेटको अभाब नहुने तर काममा ढिलाईले समस्या निम्तिएको भन्दै सभामुख महराले अब विकासको युग आएको दाबी गरे । उनले रणनैतिक महत्वका विषयलाई प्राथमिकतामा राखेर अब बिकासलाई अघि बढाउने प्रतिबद्धता जनाए ।
दाङलाई अन्तरजिल्ला जोड्ने गरी अबको विकासलाई केन्द्रित गर्ने र त्यसले आर्थिक तथा पर्यटन क्षेत्रको विकासमा टेवा पुर्याउने उनको भनाई छ । सभामुख महराले राप्ती स्वास्थ्य विज्ञान प्रतिष्ठानलाई विवादमा ल्याउन खोजिएकोप्रति सचेत रहन आग्रह गरे ।
प्रदेशको स्थायी राजधानी दाङमा बनाउने बिषयमा सभामुख महराले आफुहरु कुटनीतिक र वैज्ञानिक ढंगले अघि बढिरहेको बताए । कार्यक्रममा प्रदेश नम्बर ५ का मुख्यमन्त्री शंकर पोख्रेलले अब विविधतासहितको विकास आवश्यक रहेको बताए ।
पुराना अलपत्र परेका योजनालाई पुरा गरेर मात्रै अन्यतर्फ हात हाल्ने बताए । अभाब र पछि परेका स्थानको छनोट गरेर मात्रै अघि बढ्ने बताए । साथै उनले राप्ती स्वास्थ्य विज्ञान प्रतिष्ठानको काम अब प्रकृगत ढंगबाट अघि बढ्ने र बिबादको बिषय नै नभएको बताए । अब केन्द्र स्तरको प्रतिष्ठान, प्रदेश स्तरको अञ्चल अस्पताल र लमही अस्पताललाई तात्कालिक उपचार केन्द्रकारुपमा बिकास गरिने पोख्रेलले बताए ।
कार्यक्रममा सहभागि दाङका जनप्रतिनिधीहरुले जिल्लाको समग्र विकासका लागि प्राथमिकताका आधारमा योजना तथा कार्यक्रमको तय गर्ने बताएका छन । दाङबाट प्रतिनिधिसभा, राष्ट्रियसभा, प्रदेशसभामा प्रतिनिधित्व गर्ने सांसद तथा स्थानीयतहका प्रमुखहरुले पहिचान र प्राथमिकताका आधारमा अबको बिकास गरिने बताए ।
सांसद तथा स्थानीय तहका प्रमुखहरुले विकास गर्नुपर्ने क्षेत्रको पहिचान गरेर साझा बिकास अबधारणबाट अघि बढ्ने बताए । उनीहरुले ५ वर्षभित्र नागरिकलाई अनुभुति दिने गरि काम गर्ने बताउँदै त्यसका लागि सबै एक भएर अघि बढ्नु पर्ने बताए ।
जनतासँग गरेका बाचा र विकासका आवश्यकतालाई केन्द्रमा राखेर आफुहरुले नीति तथा कार्यक्रम बनाउने बताएका थिए । दाङलाई सबै विषयगत क्षेत्रको हबका रुपमा बिकास गर्न सकिने भन्दै उनीहरुले एकीकृत विकासका लागि साझा सोचको आबस्यक रहेको बताए ।
स्थानीय तहका प्रमुखहरुले केन्द्रबाट आएका योजनाहरु अहिले पनि अलपत्र रहेको भन्दै गुनासो गरेका छन् । केन्द्रिय योजनाका फाईलहरु मन्त्रालयमै अलपत्र पर्नु राम्रो नभएको उनीहरुको भनाई थियो ।
प्रतिक्रिया दिनुहोस !
