अन्जु पन्तको "जता जता दियो बाल्छु" मा सिर्जना
काठमाडाै: नेपाली मोडलिंग क्षेत्रमा सफलता हातपार्दै दर्जनौ भन्दा बढी म्युजिक भिडियोमा अभिनय गरेर चर्चा बटुलेकी सफल मोडल सिर्जना पौडेलको निर्देशनमा तयार भएको दोश्रो म्युजिक भिडियो "जता जता दियो बाल्छु त्यतै ---" बोलको म्युजिक भिडियो सार्वजनिक भएको छ ।
नेपाली सांगीतिक आकाशको चर्चित गायक गायिकाहरुको आवाजमा रहेका बिभिन्न गीतहरुमा अभिनय गरिसकेकी मोडल पौडेलको अन्जु पन्तको "म संग तिमीले" , प्रमोद खरेलको "खै कसरी बोलाउ मैले" ,श्रीयशी चेम्जुंगको "यो संसारैमा"र टिका पुनको "दशी आयो तिहार आयो" बोलको म्युजिक भिडियोहरु सफल भिडियो अन्तर्गत पर्दछन । विगत सफलता पाउने आशाको साथ् मोडल सिर्जनाको अभिनय र निर्देशन रहेको भिडियो म्युजिक नेपाल मार्फत सार्वजनिक गरिएको छ ।
गन्तब्य एल्बममा समावेस यस गीतमा रचनाकार प्रकाश के सीको शब्द रचना र संगीतकार सन्तोष श्रेष्ठले संगीत भरेको यस गीतमा अन्जु पन्तको स्वोर सुन्न सकिने छ भने भिडियोमा सिर्जना पौडेलको साथमा मेल मोडल बुध्हवीर थापालाई फिचर गरिएको छ ।
आफ्नै निर्देशन र आफ्नै अभिनयमा काम गर्न झन् सजह हुने उनको भनाई रहेको छ । राजधानी आसपास छायांकन गरिएको यस भिडियोमा ज्ञानेन्द्र शर्मा हुमागाईको सिनेमाटोग्राफी र मिलन बिकको सम्पादन रहेको छ । भिडियोलाई कामाना डिजिटल प्रालिले बजारमा ल्याएको हो ।
प्रतिक्रिया दिनुहोस !
