प्रमुख निर्वाचन आयुक्त अयोधीप्रसाद यादवको घरमा बम विस्फोट
काठमाडौं : प्रमुख निर्वाचन आयुक्त अयोधीप्रसाद यादवको घरमा बम विस्फोट भएको छ । आइतबार साँझ ललितपुरको हात्तीवनस्थित यादवको घरको कम्पाउण्डमा विस्फोट हुँदा वाल भत्किएको छ ।
सातदोबाटो प्रहरी वृत्तका डीएसपी विनोद सिलवालका अनुसार विस्फोट हुँदा कम्पाउण्डको एकातर्फको वाल भत्किएको छ भने केही झ्यालका सिसा फुटेका छन् । विस्फोट लगत्तै प्रहरीले विस्फोटमा संलग्नको खोजी सुरु गरेको छ ।
विस्फोट भएको स्थानमा कुनै पर्चा समेत नभेटिएकाले विस्फोट कसले गराएको हो भन्ने एकिन हुन नसकेको डीएसपी सिलवालको भनाइ छ ।
तस्बिरहरु: सुनिता डंगोल
प्रतिक्रिया दिनुहोस !
