गस्तीमा गएका प्रहरीको मोटरसाइकल दुर्घटनामा मृत्यु
तुलसीपुर : दाङमा बा २ ब ११११ नंको मोटरसाइकल घोराही उपमहानगरपालिका–४ को लक्ष्मीपुरमा दुर्घटना हुँदा बुधबार एक जना प्रहरी जवानको मृत्यु भएको छ भने एक जना घाइते भएका छन् ।
मृत्यु हुनेमा वडा प्रहरी कार्यालय घोराहीमा कार्यरत प्रहरी जवान ओविलाल गिरी रहेको जिल्ला प्रहरी कार्यालय दाङका प्रमुख दुर्गासिंहले बताए । मृतक गिरी रोल्पा खुङ्गी निवासी हुन् । सोही मोटरसाइकल दुर्घटनामा परी चालक प्रहरी जवान प्रहरी जवान वसन्त अधिकारी घाइते भएका छन् ।
घाइते अधिकारीको राप्ती उपक्षेत्रीय अस्पताल घोराहीमा उपचार भइरहेको र उनी खतरामुक्त रहेको अस्पातालले जनाएको छ । बिहान उनीहरु मोटरसाइकल गस्तीमा गएको बेला दुर्घटनामा परेका थिए ।
प्रतिक्रिया दिनुहोस !
