फुङलिङमा आगलागी
फुङलिङ : ताप्लेजुङ सदरमुकाम फुङलिङ बजारछेउको ललितबहादुर गुरुङको घरमा आगलागी भएको छ । फुङलिङ नगरपालिकाका–६ स्थित गुरुङको घरमा शनिबार बिहान ११ बजे आगलागी सुरु भएको जिल्ला प्रहरी कार्यालय ताप्लेजुङले जनाएको छ ।
नेपाल प्रहरी, नेपाली सेना, सशस्त्र प्रहरी, फुङलिङका मेयर छत्रपति प्याकुरेल र स्थानीयको उपस्थितिमा एक घण्टापछि आगो नियन्त्रणमा आएको प्रहरी निरीक्षक लक्ष्मणबहादुर मगरले जानकारी दिए ।
आगलागीबाट ९ लाख बराबरको क्षति भएको प्रारम्भिक अनुमान गरिएको उनले बताए । आगो नियन्त्रणमा आएपछिसँगै रहेका दुईवटा घर भने जोगिएका छन् । आगो निभाउन गएको फुङलिङ नगरपालिकाको दमकल भने खराब बाटोका कारण बीचमै फसेको थियो । आगलागीको कारण खुलिनसकेको प्रहरीले जनाएको छ ।
प्रतिक्रिया दिनुहोस !
