राजविराज : सप्तरीमा दुई मारुती भ्यान ठोक्किँदा सातजना घाइते भएका छन्।अग्नीसाइर कृष्णसवरण गाउँपालिका- २ स्थित पश्चिमबाट पूर्वतर्फ जाँदै गरेको को.१च ५०१२ नम्बर र विपरित दिशाबाट आउँदै गरेको बा.१७ च ७५१५ नम्बरको मारुती भ्यान शनिबार राति ११ बजे ठोक्किदा सातजना घाइते भएको सप्तरी प्रहरीले जनाएको छ।
दुर्घटनामा को.१च ५०१२ नम्बरको मारुती भ्यानमा सवार सप्तरीको खडक नगरपालिका-३ का १६ वर्षीया अन्जिला चौधरी, सप्तकोशी नगरपालिका-१ फत्तेपुरका २४ वर्षीय संजय चौधरी, चालक कन्चनरुप नगरपालिका- ७ का ३० वर्षीय डेगनाथ साह घाइते भएका छन्। उनीहरुको लहानस्थित सप्तऋषी अस्पतालमा उपचार भइरहेको डीएसपी ध्रुबकुमार श्रेष्ठले बताए।
यसैगरी कञ्चनरुप- ७ का २२ वर्षीय सन्तोष चौधरी, २६ वर्षीय अशोक चौधरी, १७ वर्षीय हितेसराज चौधरी र २४ वर्षीय अजय चौधरी सामान्य घाइते भएका छन्। उनीहरुको स्थानीय मेडिकलमा उपचार भएको छ।
प्रतिक्रिया दिनुहोस !
