दमक गोल्डकप : झापा र मदन भण्डारीबीच उद्घाटन खेल
दमक : दमक गोल्डकप फुटबल प्रतियोगिता बुधबारदेखि झापामा सुरु हँुदैछ । उद्घाटन खेलमा झापा–११ र मदन भण्डारी स्पोर्टस् एकेडेमीबीच प्रतिस्पर्धा हुनेछ । गोल्डकपको प्रधानमन्त्री केपी ओलीले उद्घाटन गर्नेछन् ।
वैशाख २८ सम्म सञ्चालन हुने प्रतियोगिताको सम्पूर्ण तयारी पूरा भएको दमक नगर खेलकुद विकास समितिका अध्यक्ष केन्द्र प्रसाईले जानकारी दिए । प्रतियोगिताको विजेताले १३ लाख ५१ हजार रुपैयाँ र उपविजेताले ६ लाख रुपैयाँ पुरस्कार प्राप्त गर्नेछन् ।
प्रतियोगितामा १० टोलीको सहभागिता रहने प्रतियोगिताका प्रचार संयोजक चन्द्र खत्रीले जानकारी दिए । गोल्डकपमा आयोजक दमक–११, रमपम झापा–११, मदन भण्डारी स्पोर्टस् एकेडेमी, रूपन्देही–११, मनाङ मस्र्याङ्दी क्लब, रुस्लान थ्रीस्टार क्लब, सरस्वती क्लब, विभागीय टोलीको त्रिभुवन आर्मी क्लब, नेपाल पुलिस क्लब र एपीएफ क्लब सहभागी हुनेछन् । गोल्डकप सम्पन्न गर्न एक करोड ३६ लाख रुपैयाँ लाग्ने अनुमान गरिएको छ ।
प्रतिक्रिया दिनुहोस !
