काठमाडौं : देशका ७ सय ५३ स्थानीय तहका ६ हजार ७ सय ३४ वडामा ९ हजारभन्दा बढी कर्मचारीको दरबन्दी खाली छ । रिक्त दरबन्दीमध्ये वडाध्यक्षलाई प्रत्यक्ष सहयोग पुु¥याउने वडासचिव पद नै बढी संख्यामा रिक्त रहेको संघीय मामिला तथा सामान्य प्रशासन मन्त्रालयले जनाएको छ ।
सबै वडामा वडासचिवसहित १६ हजार २ सय ४३ कर्मचारी आवश्यक पर्नेमा ९ हजार ९२ दरबन्दी रिक्त छ । वडामा सुुब्बा तथा खरिदार तहका कर्मचारी रहन्छन् । वडामा कर्मचारी रिक्त रहँदा प्रत्यक्ष सेवा प्राप्तिबाट सेवाग्राही वञ्चित हुुनुुपरेको छ । कर्मचारी अभावमा नीति, बजेट तथा कार्यक्रम बनाउने काममा समेत समस्या भइरहेको मन्त्रालयले जनाएको छ । त्यसो त देशभरका स्थानीय तहमा मात्रै प्रशासन सेवाका खरिदारदेखि सहसचिवस्तरसम्मका १० हजार ८ सय ४२ कर्मचारी अभाव छ ।
कर्मचारी अभाव भएपछि संघीय मामिला तथा सामान्य प्रशासन मन्त्रालयले देशभरका विभिन्न कार्यालयमा रहेका कर्मचारीलाई स्थानीय तहमा खटाउनकै लागि १५ दिने समय दिएर निवेदन माग गरेको थियो । खरिदार–सुुब्बादेखि उपसचिवसम्मकै कर्मचारीबाट निवेदन माग गरिएकामा देशभर ७ हजारभन्दा बढी कर्मचारीको निवेदन प्राप्त भएको संघीय मामिला मन्त्रालयका कर्मचारी प्रशासन महाशाखा प्रमुुख सहसचिव रुद्रसिंह तामाङले जानकारी दिए ।
कर्मचारीको निवेदन प्राप्त भए पनि रिक्त रहेका वडादेखि अन्य नगरपालिका तथा गाउँपालिकामा समेत दरबन्दीअनुुसार कर्मचारी खटाउन सकेको छैन । मन्त्रालयका सहसचिव तामाङले भने अब सोही निवेदनका आधारमा रिक्त स्थानमा कर्मचारी खटाउने दाबी गरे । मन्त्रालयका अनुुसार सहसचिव दरबन्दी रहने १७ स्थानीय तहमा १५ पद रिक्त छ । यसैगरी, उपसचिव दरबन्दी रहने ४ सय ९६ स्थानीय तहमा २ सय ५२ पद रिक्त छ । शाखा अधिकृत दरबन्दी रहने ८३० वटा स्थानीय तहमा ५ सय पद रिक्त छ ।
स्थानीय तह: ७ सय ५३
वडा संख्या: ६७३४
वडामा जम्मा चाहिने कर्मचारी: १६२४३
वडामा रिक्त कर्मचारी: ९०९२
सहसचिव पद रिक्त: १५
उपसचिव पद रिक्त: २५२
शाखा अधिकृत रिक्त: ५ सय
स्वास्थ्य, कृषि र पशुु सेवाका १९ हजार कर्मचारी अन्योलमा
स्वास्थ्य, कृषि र पशुु सेवाका मात्रै १९ हजार ५ सय ५८ कर्मचारीलाई ७ सय ५३ स्थानीय तहमा स्थानान्तरण गर्नुुपर्ने भए पनि त्यसको व्यवस्थित प्रक्रिया सुुरु हुुन सकेको छैन । हाल देशभरका ३ सय ७८ कृषि सेवा केन्द्र र ९ सय ९९ वटा पशुु सेवा केन्द्रमा रहेका ४ हजार ८२ जना र स्वास्थ्य चौकी र आयुुर्वेद केन्द्रमा रहेका १४ हजार ७ सय ३८ समेत गरी १९ हजार ५ सय ५८ कर्मचारीलाई स्थानीय तहमा समायोजन गर्नुुपर्ने भए पनि संघीय मामिला मन्त्रालयको बेवास्ताका कारण ती कर्मचारी स्थानीय तहमा गएर काम गर्ने वातावरण सिर्जना हुुन सकेको छैन । संघीय मामिला मन्त्रालयका उपसचिव प्रेम लुुइँटेलले स्वास्थ्य, कृषि र पशुु सेवाका कर्मचारीलाई स्थानीय तहमा समायोजन गर्ने प्रक्रिया सुुरु भइसकेको र आधा कर्मचारी स्थानीय तहमा गइसकेको दाबी गरे । तर, स्वास्थ्य, कृषि र पशुुसेवाका कर्मचारीले भने स्थानीय तहले काम गर्ने ठाउँ र जिम्मेवारी दिन नसक्दा आफूहरू अन्योलयमा परेको बताउँदै आएका छन् ।
प्रतिक्रिया दिनुहोस !
