नेपालमा दागी सांसदको पद जोगिने, भारतमा संसदमै अश्लिल फिल्म हेर्नेलाई टिकट
बैंगलोर : नेपालमा ठुला राजनीतिक दलले कुनै पनि अपराधमा अभियोग लागे पनि सांसद निलम्बित नहुने नियम बनाइएको छ ।
फौजदारी अभियोगमा पक्राउ पर्ने सांसदको पद यथावत् रहने व्यवस्थासहित प्रतिनिधिसभा र राष्ट्रियसभाका नियमावली मस्यौदा समितिबाट शनिबार पारित भएपछि यस्तो भएको हो ।
उता भारतमा भने कर्नाटक विधानसभा चुनावमा कांग्रेस, भाजपा, जनता दल-सेक्युलर तीनै ठुला पार्टीले अपराधिक अभियोग लागेका करिब १ सय जना उम्मेदवार छानेका छन् ।
एक अनुमान अनुसार कर्नाटकको २२४ विधानसभा सीटमा करिब २,६५५ उम्मेदवार चुनाव लडिरहेका छन् । जसमा आपराधिक आरोप लागेका उम्मेदवारको संख्या ३४० रहेको छ ।
अर्कातिर भारतीय जनता पार्टीको सिद्धारमैया क्याबिनेटले लगातार आरोप खेप्नुपरेको छ। उसले सदनमै ब्लू फिल्म हेर्ने अवैध उत्खनन गर्नेलाई पनि टिकट बाँडेको आरोप लागेको छ ।
भाजपाले विधानसभामा अश्लील क्लिप मोबाइलमा हेरिरहेका दुई पूर्व मन्त्री लक्ष्मण सावादी र सीसी पाटिललाई फेरि उम्मेदवार बनाएको आरोप लागेको छ ।
कांग्रेसले भाजपाका मुख्यमन्त्री पदका उम्मेदवार बीएस येदियुरप्पामाथि सीधै घोटालाको आरोप लगाएको छ । बेल्लारीको खानी कारोबारी रेड्डी दाजुभाइ र उनीसँग जोडिएका चारजनालाई टिकट दिएकोमा कांग्रेस पनि विवादमा मुछिएको छ ।
सिद्धारमैया क्याबिनेटका मन्त्री डीके शिवकुमारमाथि भ्रष्टाचारको मामिलामा ईडीको जाँच समेत विभिन्न उम्मेदवारमाथिका आरोपलाई भाजपाले मुद्दा बनाएको छ ।
येदियुरप्पा सरकारमा मन्त्री रहेका भाजपा विधायक लक्ष्मण सावादी विधानसभाको बैठकमै मोबाइल फोनमा ब्लू फिल्म हेर्दा हेर्दै समातिएका थिए । उनीसँगै त्यही सरकारमा पर्यावरण मन्त्री कृष्णा जे पालेमर र महिला एवम् बाल विकास मन्त्री सीसी पाटिल पनि लक्ष्मण सावदीको फोनमा ब्लू फिल्म हेर्न मस्त थिए ।
यी तीनैजना जब जब ब्लू फिल्म हेरिरहेका थिए तब विधानसभामा खडेरीको असरबारे चर्चा भइरहेको थियो । यस विधानसभा चुनावमा सीसी पाटिललाई नारगुन्डा, लक्ष्मण सावादीलाई अथानी सीटबाट भाजपाले उम्मेदवार बनाएको हो ।
प्रतिक्रिया दिनुहोस !
