'वामले अधिनायकवाद ल्याए, कांग्रेस भिड्न तयार छ'
पथरी, मोरङ: नेपाली कांग्रेसका नेता डा शेखर कोइरालाले देश अधिनायकवादतर्फ अघि बढेको बताएका छन् ।
सुन्दर हरैचा नगर समितिको आयोजनामा ‘परिवर्तित सन्दर्भमा नेपाली काँग्रेसको भूमिका’ विषयक बुधबार आयोजित विचार गोष्ठीमा उनले वाम गठबन्धन सरकार देशलाई अधिनायकवादतर्फ धकेल्न उन्मुख रहेको बताए ।
वाम गठबन्धनको सरकार दुईतिहाइ मत हासिल गरी संविधान परिवर्तनको खेलमा लागेको आरोप लगाउँदै डा कोइरालाले कांग्रेस अधिनायकवादको मुकाबिला गर्न तत्पर रहेको उल्लेख गरे ।
फरक प्रसङ्गमा उनले पार्टीभित्र मौलाएको चरम गुटबन्दी त्यागे मात्र काँग्रेस पुरानै अवस्थामा फर्किने विचार व्यक्त गरे । रासस
प्रतिक्रिया दिनुहोस !
