रात्रिकालीन कबड्डीको उपाधि खजुरालाई
नेपालगञ्ज : वडा कप रात्रिकालीन कबड्डी प्रतियोगिताको उपाधी खजुरा गाउँपालिका-८ ले जितेको छ । नेपालगञ्ज उपमहानगरपालिका ३ ले २६ वैशाखदेखि सञ्चालन गरेको प्रतियोगिताको सोमबार राति अबेर सम्पन्न फाइनलमा नेपालगञ्ज ४ को महेन्द्र स्पोर्टस क्लबलाई हराउँदै खजुरा–८ ले जितेको हो ।
खजुराले २७ काविरुद्ध ७९ अंकले महेन्द्रलाई पराजित गरेको थियो ।नेपालगञ्ज उपमहापालिकाका उपप्रमुख उमा थापा मगरले विजेता खजुरालाई ५१ हजार र उपविजेता महेन्द्र स्पोर्टस् क्लबलाई २६ हजार नगद र ट्रफि प्रदान गरेकी थिइन् ।
प्रतियोगितामा खजुराकै कन्हैयालाल चौधरी उत्कृष्ट खेलाडी घोषित भए । उनले ५ हजार नगद पाए । त्यस्तै राइजिङ प्लेयर मुन सिद्धिकीलाई पनि ५ हजार नगद प्रदान गरिएको थियो ।
नकआउट सिस्टमका आधारमा खेलाइएको प्रतियोगितामा १७ टिमले सहभागिता जनाएका थिए । यसअघि उपमहानगरपालिकाले नेपालगञ्जमा नगरस्तरीय कबड्डी प्रतियोगिता आयोजना गरेको थियो ।
प्रतिक्रिया दिनुहोस !
