सोलुखुम्बुः मकालु हिमाल आरोहणका क्रममा आज एकजनाको मृत्यु भएको छ ।
मृत्यु हुनेमा सोलुदूधकुण्ड नगरपालिका-८ केरुङका आङ दावा शेर्पा रहेका छन् । आरोहणको क्रममा उनलाई लेक लागेर मृत्यु भएको जिल्ला प्रहरी कार्यालय सोलुखुम्बुका सूचना अधिकारी प्रहरी निरीक्षक प्रद्युम्न अधिकारीले जानकारी दिए ।
प्रहरीका अनुसार शेर्पाको मंगलबार बिहान २ बजेतिर लेक लागेर मृत्यु भएको हो । उनी चिनियाँ समूह लिएर संखुवासभामा पर्ने मकालु हिमाल आरोणमा गएका थिए ।
शेर्पाको शव मंगलबारै हेलिकोप्टरमार्फत तेञ्जिङ हिलारी विमानस्थल लुक्ला हुँदै काठमाडौँ लगी शवपरीक्षणका लागि शिक्षण अस्पतालमा राखिएको प्रहरीले जनाएको छ ।
प्रतिक्रिया दिनुहोस !
