प्रथम सभामुख कप रोल्पामा सम्पन्न भएको छ। भलिबल राष्ट्रिय प्रतियोगिताको पुरुषतर्फ नेपाल पुलिस क्लब र महिलातर्फ सशस्त्र प्रहरी बल विजेता बनेका छन्।
पुरुष भलिबलमा त्रिभुवन आर्मी क्लबलाई हराएर एनपिसी बिजेता बनेको हो।एनपिसीले ३(१सेटमा जितेको हो।आर्मी क्लब उपविजेता बनेको छ भने सशस्त्र प्रहरी बल तेस्रो भएको छ।
महिलातर्फ सशस्त्र प्रहरी बल विजेता बनेको छ भने उपविजेता नेपाल प्रहरी बनेको छ। नेपाल आर्मीले तेस्रो मै चित्त बुझाउनु पर्यो। विजेता, उपविजेता र तेस्रोले क्रमशः तीन लाख, दुई लाख र एक लाख नगदसहित कप हात पारेका छन्।
वैशाख २९ गतेबाट सुरु भएको खेल बुधबार सम्पन्न भएको हो। खेलमा विभागिय टिम र सात प्रदेश गरी पुरुषतर्फ १० र महिला तर्फ १० टिम सहभागी थिए। सभामुख कृष्णबहादुर महराले कपको उद्घाटन गरेका थिए। रोल्पामा राष्ट्रिय भलिबल प्रतियोगिता पहिलो पटक भएको हो।
प्रतिक्रिया दिनुहोस !
