तौलिहवा : वडा प्रहरी कार्यालय चन्द्रौटाले १२० लिटर अबैध घरेलु मदिरा नष्ट गरेको छ । दाङको गढवा गाउँपालिका १, कालाकाटेबाट लु १ ख ७६५९ र लु १ ख ८८९८ नम्बरको बसमा लोड गरी बिक्री वितरणका लागि कपिलवस्तुतर्फ ल्याउँदै गर्दा प्रहरीले उक्त मदिरा बरामद गरेको हो ।
विशेष सुराकीको आधारमा शिवराज नगरपालिका १ फारलाइनमा चेकजाँचका क्रममा प्रहरीले मदिरा सहित दुई महिलालाई समेत नियन्त्रणमा लिएको छ । प्रहरीले पत्रकारहरुको रोहबरमा प्रहरी परिसरमा खाल्डो खनी नष्ट गरेको छ ।
घरेलु मदिराको अबैध कारोबारलाई रोकथाम गर्न विशेष अभियान संचालन गरिएको प्रहरी निरीक्षक झविन्द्र प्रसाद भट्टराईले जानकारी दिए ।
प्रतिक्रिया दिनुहोस !
