दमौली : तनहुँको आँबुखैरेनीमा अपरिचित समूहले एक्साभेटरमा आगजानी गरेको छ। स्थानीय एसजी ढुंगारोडा उद्योगको ग १ ख ३१११ नम्बरको एक्साभेटरमा शुक्रबार बिहानको राति करिब १ बजेतिर आगलागी भएको प्रहरी नायब उपरीक्षक सुनिल मल्लले जानकारी दिए।
आँबुखैरेनी २ नारीघाटस्थित राजमार्ग छेउको उद्योग परिसरमा रहेको एक्साभेटरमा आगजनी भएको हो। आगजनीमा संलग्नको खोजी भइरहेको मल्लको भनाइ छ। उद्योगका सञ्चालक शेरबहादुर गुरुङले बिहान मात्र घटनाका बारेमा थाहा पाएको बताए। करिब ३८ लाख पर्ने एक्साभेटर पूर्णरुपमा क्षतिग्रस्त भएको छ।
प्रतिक्रिया दिनुहोस !
