ओखलढुंगाः काठमाडौंबाट सोलुखुम्बु जाँदै गरेको जीप ओखलढुंगाको मानेभञ्ज्यांगस्थित हर्कपुरमा दुर्घटना हुँदा दुईजनाको घटनास्थलमै मृत्यु भएको छ।ना १ ज ४९५० नम्बरको चारजना यात्रु सवार थिए।
जीप हर्कपुरको भँडारेखोलामा दुई सय मिटर तल खस्दा सुनकोसी गाउँपालिका वडा नं. ५ मूलखर्कका सिंगे तामाङ र कैलीमाया तामाङको घटनास्थलमै मृत्यु भएको जिल्ला प्रहरी कार्यालय ओखलढुंगाका प्रहरी निरीक्षक निरञ्जन भट्टराईले बताए।
दुर्घटनामा घाइते भएका सोही ठाउँका लालबहादुर तामाङ र लोकन्द्र तामाङ गम्भीर घाइते भएका छन्। उनीहरुको घुर्मीस्थित आस्था अस्पतालमा उपचार भइरहेको छ। घटनाबारे अनुसन्धान भइरहेको प्रहरीले जनाएको छ।
प्रतिक्रिया दिनुहोस !
