पोल्यान्डका विश्वकपमा प्रभाव पार्न सक्ने खेलाडी 'रोबर्ट लेवान्डोवस्की'

जर्मन क्लब बायर्न म्युनिखका मुख्य स्ट्राइकर रोबर्ट लेवान्डोवस्की पोल्यान्डको राष्ट्रिय टोलीका पनि मुख्य खेलाडी हुन् । टोलीका कप्तानसमेत रहेका लेवान्डोवस्की पोल्यान्डले पाएको पछिल्लो पुस्ताका उत्कृष्ट खेलाडी पनि हुन् । उनकै उत्कृष्ट प्रदर्शनमा पोल्यान्ड १२ वर्षपछि पुनः विश्वकप फुटबलमा फर्किएको हो । पोल्यान्डलाई समूह ‘एच’को विजेता बनाउँदै रुस विश्वकपमा छनोट गराउने क्रममा २९ वर्षीय लेवान्डोवस्की एक्लैले १० खेलमा १६ गोल गरेका थिए ।

राष्ट्रिय टोलीबाट सर्वाधिक गोल गर्ने खेलाडीसमेत रहेका लेवान्डोवस्की रुस विश्वकपमा पनि पोल्यान्डको महŒवपूर्ण खेलाडी रहनेछन् । पोल्यान्डले पछिल्लो ३२ वर्षसम्म पार गर्न नसकेको समूहगत चरणको यात्रा यसपटक पार गर्ने÷नगर्ने उनै लेवान्डोवस्कीको खेलमा निर्भर रहनेछ । सन् १९८६ मा प्रिक्वार्टरफाइनलमा ब्राजिलसँग पराजित भएयता पोल्यान्डले विश्वकपमा समूहगत चरण पार गर्न सकेको छैन ।

यसैगरी पोल्यान्डले सन् १९७४ र १९८२ मा हात पारेको तेस्रो स्थानको सफलतालाई पनि दोहो¥याउन सकेको छैन । लेवान्डोवस्कीको नेतृत्वमा पोल्यान्ड आफ्ना पछिल्ला अन्तर्राष्ट्रिय खेलमा आक्रामक प्रदर्शन गर्दै निकै बलियो देखिएको छ । त्यसैले यसपटक पोल्यान्डले नयाँ सफलता हात पार्नसक्ने विश्वास गरिएको छ । टोलीको कुनै पनि सफलतामा उनै लेवान्डोवस्कीको निर्णायक भूमिका रहने पक्का छ । सन् २००८ मा पोल्यान्डको राष्ट्रिय टोलीबाट ‘डेब्यु’ गरेका लेवान्डोवस्कीले त्यसयता ९४ खेलबाट ५३ गोल गरेका छन् ।