बिर्तामोड : झापाको अर्जुनधारामा मोटरसाइकलले ठक्कर दिँदा एक बालक घाइते भएका छन्। अर्जुनधारा नगरपालिका ६ बस्ने कर्णबहादुर सुनुवारका तीन वर्षिय छोरा अनमोल सुनुवार मोटरसाइकलको ठक्करबाट घाइते भएका हुन्।
बालकलाई बुधबार साँझ अर्जुनधारा नगरपालिका ६ भित्री सडक खण्डमा उत्तरबाट दक्षिणतर्फ जाँदै गरेको मे २ प ८६८३ नम्बरको मोटरसाइकलले ठक्कर दिएको थियो।
मोटरसाइकलको ठक्करबाट टाउको र मुखमा गम्भीर चोट लागेका बालकको बिएण्डसी अस्पताल बिर्तामोडमा उपचार भइरहेको छ।
ठक्कर दिने मोटरसाइकल चालक तुलसीराम ढुंगेल प्रहरीको नियन्त्रणमा रहेका छन्।
प्रतिक्रिया दिनुहोस !
१
