काठमाडौं : लोकदोहोरी , देशभक्ती र तीजका गीत बाट चर्चा बटुलेका गायक प्रेम विवशले यो वर्ष पनी तिजको गीत ल्याएका छन् । गीत संगितमा निरन्तरता दिदै आएका युवा गायक घर्तीले विगतका वर्षहरुमा जस्तै यस वर्ष पनि तिज गीत बजारमा ल्याउन लागेका हुन् ।
घर्तीको ‘मायाको बासना’ को गित शनिबार काठमाडौंमा छायाकंन सम्पन्न भएको छ । गायक घर्तीले मौलिक झ्याउरे शैलीको गीत बजारमा ल्याउन लागेका हुन् । सपना बस्नेत भण्डारीको मौलिक शब्द , सुवास घर्तीको छोटो मिठो थेगो र गायक प्रेम विवशको लय रहेको तिज गीतमा यस वर्ष गायिका टीका पुनले घर्तीलाई साथ दिएकी छिन् ।
उदिराम खड्का को निर्देशन रहेको तिज गीतमा सन्दिप न्यौपाने र रुविना अधिकारीको मुख्य भूमिका रहेको छ । उक्त गीत छिट्टै दर्शक श्रोता माझ ल्याउने गायक घर्तीले जानकारी दिएका छन् ।
प्रतिक्रिया दिनुहोस !
४
