अविवाहित किशोरीले छोरा जन्माइन्: पाहुना जाँदा यौन हिंसा भएको आशंका
असार ३, २०७५ आइतबार १९:४२:०
गगन अयडी
जिल्ला प्रहरी कार्यालय कैलालीका प्रहरी प्रमुख प्रहरी उपरीक्षक विनोद घिमिरेका अनुसार बिहानै जन्मिएको शिशुलाई प्रहरीले दिउँसो १ बजे उद्धार गरेको छ।
बालकको एनआईसीयुमा उपचार भइरहेको छ भने आमालाई पनि अस्पताल भर्ना गरिएको छ। दुवैको अवस्था सामान्य छ।
प्रहरीको प्रारम्भिक सोधपुछमा अवैध सम्बन्धबाट बच्चा जन्मिएको खुलेको छ। परिवारका सदस्यले ९ महिना अगाडि किशोरी धनगढी उपमहानगरपालिकाकै फूलबारीकी एक साथीको घरमा गएको र त्यही यौनहिंसा भएको आशंका गरेको छ।
प्रहरीसँगको बयनामा किशोरीले फूलबारीमा साथीको घरमा जाँदा आफूलाई नसालु पदार्थ खुवाएर बेहोस बनाएको बताएकी छिन्। प्रहरी उपरीक्षक घिमिरेका अनुसार यो विषयमा थप अनुसन्धान सुरु भएको छ।
प्रतिक्रिया दिनुहोस !
