विश्वकप हेरेर फर्कने क्रममा खोलाले बगाएका युवाको शव पाँच दिनपछि फेला
असार ४, २०७५ सोमबार १८:४१:०
ताप्लेजुङ : विश्वकपको उद्घाटन खेल हेरेर फर्कदा हाङ्देवा खोलाले बगाएर बेपत्ता भएका युवाको शव सोमबार भेटिएको छ । फुङ्लिङ नगरपालिका–९ हाङ्देवाबाट सदरमुकामतर्फ फर्किएका २६ वर्षीय सनम राईको शव हराएको स्थानबाट चार सय मिटर तल उत्तिसको रुखको फेदमा फेला परेको जिल्ला प्रहरी कार्यालय ताप्लेजुङले जानकारी दिएको छ ।
इलाम घर भएको राई फुङलिङस्थित पाथीभरा मोटरसाइकल वर्कसपमा काम गर्थे । शव मुचुल्कापछि पोस्टमार्टमका लागि जिल्ला अस्पताल ल्याउने तयारी भइरहेको प्रहरीको सञ्चार शाखाले जानकारी दिएको छ । उनी चढेको मोटरसाइकल असार १ गते खोलामा पुरिएको अवस्थामा फेला परेको थियो । असार ३१ गते खोलामा आएको बाढीले उनलाई बगाएको थियो ।
प्रतिक्रिया दिनुहोस !
