काठमाडौँः चीनले तीन वर्षदेखि बन्द रहेको सिन्धुपाल्चोकको खासा नाका खोल्न सहमति जनाएको छ । प्रधानमन्त्री केपी शर्मा ओलीको चीन भ्रमणका क्रममा बिहीबार राजधानी बेइजिङस्थित ग्रेट हल अफ दि पिपुल्समा भएको वार्तापछि चीनले यस्तो सहमति जनाएको हो ।
ओली र चीनका समकक्षी ली खछ्याङबीचको प्रतिनिधिमण्डलसहितको वार्तापछि खासा नाका खोल्ने समझादारी पत्र आदान प्रदान भएको हो ।
२०७२ वैशाख १२ को भूकम्पपछि चीनले असुरक्षाको कारण जनाउँदै तातोपानी नाका बन्द गरेको थियो । चीनले तातोपानी नाकाबाट अवैध रक्तचन्दन तथा सुन तस्करी र दलाई लामा समर्थकको गतिविधिले सुरक्षामा असर पार्ने भन्दै खोल्न अस्वीकार गर्दै आएको थियो ।
तर ओलीको भ्रमणका क्रममा चीन र नेपालबीच तातोपानी नाका खोल्ने समझदारी पत्र पनि आदानप्रदान भएको छ ।
दुई पुल पनि बनाइदिने
दुई पक्षबीचको वार्तापछि चीनले नेपालसँग जोडिएका दुई पुल पुनःनिर्माण गरिदिने समझारी पत्रमा पनि आदानप्रदान भएको छ । सिन्धुपाल्चोकको खासा र रसुवागढीमा दुई मैत्री पुल पुनर्निर्माण सम्झौतामा परराष्ट्र सचिव शंकरदास बैरागी र चिनियाँ उपविदेशमन्त्री कङबीच हस्ताक्षर भएको हो ।
चीनले यी दुई पुल बनाइदिने गरी पठाएको प्रस्तावलाई नेपालले यसअघि नै स्वीकार गरिसकेको छ।
प्रतिक्रिया दिनुहोस !
