बिर्तामोड : झापाको शिवसताक्षी नगरपालिकामा मोटरसाइकल दुर्घटनामा परी एक जनाको ज्यान गएको छ । उक्त दुर्घटनामा मोटरसाइकलका चालक इलाम चुलाचुली गाउँपालिका १ का ३५ वर्षीय ईन्द्रकुमार राईकाे ज्यान गएको हाे।राई सवार मे ६ प ७६०५ नम्बरको मोटरसाइकल शुक्रबार अपरान्ह ४ बजेतिर शिवसताक्षी नगरपालिका १ कमलपुरमा अनियन्त्रित भई दुर्घटना भएको थियो ।
दुर्घटनामा गम्भीर घाइते भएका राईको उपचारका लागि बीएण्डी अस्पताल बिर्तामोड लैजाने क्रममा बाटामा नै मृत्यु भएको इलाका प्रहरी कार्यालय झिलझिलेले जनाएको छ । मृतकको शव पोष्टमार्टमका लागि अस्पतालमा राखिएको छ ।
उता ईलामस्थित लोदिया खोलामा डुबेर ९ वर्षीय एक बालकको ज्यान गएको छ । माई नगरपालिका ३ बगैचाका ज्ञानबहादुर दर्जीको छोरा प्रविण दर्जीको शुक्रबार दिउँसो खोलामा पौडी खेल्नेक्रममा डुबेर मृत्यु भएको प्रहरीले जनाएको छ ।
साथीसँग खोलामा पौडी खेल्न गएका दर्जीको शुक्रबार दिउँसो डुबेर मृत्यु भएको प्रहरी चौकी दानबारीले बताएको छ ।
प्रतिक्रिया दिनुहोस !
