मस्को : रुस विश्वकप अन्तर्गत अन्तिम १६ को तेस्रो खेलमा अहिले आयोजक राष्ट्र रुस र स्पेनबीच प्रतिस्पर्धा सुरु भएको छ । रुस उद्घाटन खेलमा साउदी अरेबियालाई ५-० ले पराजित गर्दै चर्चामा आएको टिम हो। दोस्रो खेलमा इजिप्टलाई ३-१ ले पराजित गर्दै दुई खेलबाट ६ अंक जोडेको रुस एक खेल खेल्न बाँकी हुँदै अन्तिम १६ मा प्रवेश गरेको थियो।
यद्यपी अन्तिम खेलमा उरुग्वेसँग पराजित हुँदै रुस समूह ए को उपविजेता बन्दै अन्तिम १६ मा प्रवेश गरेको टिम हो । अन्तिम १६ मा समूह बीको विजेता स्पेनसँग रुसले प्रतिस्पर्धा गर्दैछ ।
स्पेन सन् २०१० विश्वकप विजेता हो । रुस विश्वकपको पहिलो खेलमा पोर्चुगलसँग ३-३ बराबरी खेलेको स्पेनले दोस्रो खेलमा इरानलाई १० ले पराजित गरेको थियो । तेस्रो खेलमा भने मोरक्कोसँग २-२ को बराबरी खेल्दै समूह बीको स्पेन समूह विजेता बन्दै अन्तिम १६ मा प्रवेश गरेको हो ।
प्रतिक्रिया दिनुहोस !
