काठमाडौं : चर्चित मोडल तथा बलिउड नायिका पुनम पाण्डे काठमाडौं आएकी छन्। डेजाभु क्लब दरबारमार्ग, काठमाडौंमा मोडल पाण्डेले आफ्ना फ्यानहरूसहित विश्वकप फाइनल हेर्नेछिन्।
रसियामा जारी विश्वकप फुटबलको अवसरमा काठमाडौं आएकी उनले आफ्ना फ्यानहरूसँग डेजाभु क्लबमा बसेर विश्वकप फुटबल फाइनल हेर्ने भएकी हुन्।
शनिबार बिहान रिपोर्टर्स क्लब नेपालमा पत्रकार सम्मेलन गरी क्लबका सञ्चालक केपी गैरेले मोडेल पाण्डेले फ्यानहरूका बीचमा रहेर रसियामा जारी विश्वकप फुटबलको फाइनल खेल हेर्ने चाहना राखेकाले उनलाई निम्त्याइएको बताए।
सन् २०११ मा सम्पन्न विश्वकप क्रिकेटमा भारतले जिते टपलेस हुने भन्दै मोडल पाण्डे एकाएक चर्चामा आएकी थिइन्। यसपालिको विश्वकप फुटबलमा पाण्डे क्रोसियाको पक्षमा छिन्। क्रोसियाले जितेमा उनले के गर्नेछिन् भन्ने विषयमा मुख खोलेकी छैनन्। पाण्डे भन्छिन्, ‘म भारतबाट नेपाल आएकी छु भने पक्कै पनि केही त होला नि ? ’
रसियामा जारी विश्वकपका सबै खेलमध्ये फ्रान्स र बेल्जियम बीचको खेल राम्रो लागेको मोडल पाण्डेले बताइन्।
प्रतिक्रिया दिनुहोस !
