काठमाडौँः कर्णाली स्वास्थ्य विज्ञान प्रतिष्ठानमा भएको झडपका क्रममा गोली लागेर गम्भीर घाइते भएका प्रहरी जवान कमल उपाध्यायलाई लिन नेपाली सेनाको हेलिकोप्टर जुम्ला आउँदैछ ।
दाहिने छातीमा गोली लागेर गम्भीर अवस्थामा प्रतिष्ठानमै उपचाररत उपाध्यायको अवस्था गम्भीर बनेपछि काठमाडौँ लैजान नेपाली सेनाको हेलिकोप्टर आएको हो ।
प्रतिष्ठानको हातामा २० दिनदेखि अनशनरत प्राध्यापक डाक्टर गोविन्द केसीलाई काठमाडौँ लैजान सुरक्षाकर्मीले हस्तक्षेप गरेपछि भएको झडपका क्रममा चलेको गोली उपाध्यायको छातीमा लागेको थियो ।
गोली लागेपछि प्रतिष्ठानकै चिकित्सकले उनको अप्रेशन थालेका थिए । उपाध्यायको उपचारका लागि स्थानीय पत्रकार, विद्यार्थी र सर्वसाधरणले रक्तदान पनि गरेका थिए । तर, उनको अवस्था जटिल बन्दै गएपछि काठमाडौँ लैजान सेनाको हेलिकोप्टर आएको हो ।
प्रतिक्रिया दिनुहोस !
