सुनसरीको घुस्कीमा गोली चल्यो,चार घाइते
धरान : सुनसरीस्थित नेपाल–भारत सिमाना घुस्कीमा तनाव भएको छ । भारततर्फबाट भंसार छलेर खसीबोका ल्याउने क्रममा विवाद भएपछि प्रहरीले गोली चलाएको थियो ।
सीमामा तैनाव सशस्त्र प्रहरीले गोली चलाउँदा चार जना स्थानीय घाइते भएपछि तनाव सृजना भएको हो । प्रहरीले गोली चलाएपछि स्थानीयले प्रहरी चौकी घेराउ गरेका छन् ।
सदरमुकामबाट थप सशस्त्र तथा नेपाली प्रहरीको टोली घुस्की पठाइसकेको सुनसरीका प्रमुख जिल्ला अधिकारी प्रेमप्रकाश उप्रेतीले बताए ।