परासी : पश्चिम नवलपरासीका दुई छुट्टाछुट्टै स्थानमा बिहीबार राति भएका मोटरसाइकल दुर्घटनामा दुईजनाको मृत्यु भएको छ ।
परासीबाट बुटवल जाँदै गरेको लु११प ६११० नम्बरको मोटरसाइकललाई सुनवलको ज्यामिरेमा इन्धन बोकेको लु१ख ६७३८ नम्बरको ट्यांकरले ठक्कर दिँदा ५२ वर्षीय हेमलाल न्यौपानेको घटनास्थलमै मृत्यु भएको छ ।
बुटवलको शंकरनगर घर भएका मृतक न्यौपाने जिल्ला शिक्षा कार्यालय नवलपरासीका लेखापाल हुन् । ठक्कर दिने ट्यांकर प्रहरीले नियन्त्रणमा लिएपनि चालक भने फरार छन् ।
त्यसैगरी परासीबाट महेशपुरतर्फ जाँदै गरेको मोटरसाइकल हरपुरमा दुर्घटना हुँदा भारतीय नागरिकको मृत्यु भएको छ। युपी ५६ केए १४४६ नम्बरको मोटरसाइकल विपरित दिशाबाट जाँदै गरेको युपी ५३ ए एच ५५९२ नम्बरको मोटरसाइकल एकआपसमा जुध्दा दुर्घटना भएको प्रहरीले जनाएको छ।
दुर्घटनामा १४१६ नम्बरका चालक २७ वर्षीय श्रीकान्तकुमारको मृत्यु भएको हो । उनी भारत महाराजगन्ज जिल्ला मिश्रौली गाउँ निवासी हुन् ।
प्रतिक्रिया दिनुहोस !
