नदीमा नुहाउँदै गरेका बालकको डुबेर मृत्यु
महेन्द्रनगर : कञ्चनपुरको बेलौरीमा १२ वर्षीय बालकको नदीमा डुबेर मृत्यु भएको छ। बेलौरी नगरपालिका- ६ बैशाखामा बुधबार साँझ नदीमा नुहाउने क्रममा डुबेर मृत्यु भएको हो।
मृत्यु हुनेमा बैतडीको पाटन नगरपालिका-१ घर भएका उमेश चन्द रहेका छन्। उनी बेलौरीस्थित आफ्नी दिदीको घरमा आएका थिए।
नदीमा नुहाउने क्रममा डुबेर बेपत्ता भएका उनको २ घण्टापछि शव फेला परेको थियो। मृतक बालकको बुधबार प्राथमिक स्वास्थ्य केन्द्र बेलौरीमा पोष्टमार्टम गरी शव आफन्तलाई बुझाइएको प्रहरीले जनाएको छ।