विराटनगर : प्रहरीले विराटनगरबाट लागूऔषधसहित आइतबार राति दुईजनालाई पक्राउ गरेको छ । विराटनगर महानगरपालिका-६ स्थित भाटभटेनी सुपर मार्केट नजिकैबाट तीन सय ६० एम्पुल लागूऔषध टिडिजेसिकसहित १० बजे राति उनीहरुलाई पक्राउ गरेको हो।
पक्राउ पर्नेमा सुनसरीको इटहरी उपमहानगरपालिका- ४ का ३४ वर्षीय अनिलकुमार चौधरी र २७ वर्षीय कल्पना परियार रहेका छन्। वडा प्रहरी कार्यालय विराटनगरको टोलीले चेकजाँचका क्रममा उनीहरुका साथबाट एक सय २० एम्पुल लुपिजेसिक, एक सय २० एम्पुल डाईजेल्याब र एक सय २० एम्पुल एभिल गरेर तीन सय ६० एम्पुल टिडिजेसिक बरामद गरेको छ।
जिल्ला प्रहरी कार्यालय मोरङमा राखेर उनीहरुका सम्बन्धमा अनुसन्धान भइरहेको जानकारी प्रहरीले दिएको छ।
प्रतिक्रिया दिनुहोस !
