हात्ती मृत भेटियो

बिर्तामोड : झापाको मेचिनगर नगरपालिकामा एक जंगली हात्ती मृत फेला परेको छ। बिहीबार बिहान मेचीनगर नगरपालिका-९ स्थित धानखेतमा हात्ती मृत अवस्थामा फेला परेको हो। 

स्थानीय किसान रोहितकुमार ढुंगानाको खेतमा दुवै दाह्रा हिलोमा जोतिएको अवस्थामा हात्ती फेला परेपछि स्थानीयले प्रहरीलाई खबर गरेका थिए। मृत फेला परेको सो हात्तीको दाह्रा निकालेर सोही स्थानमा गाडेको जिल्ला वन कार्यालय झापाले जनाएको छ। 

हात्तीको शरीरको भागमा करेण्ट लागेको डाम भएकाले कतै करेन्ट लागेर घाइते भएर स्थानमा आएर मरेको हुनसक्ने अनुमान गरिएको छ। एक महिना अघि पनि मेचीनगर-३ कै पाँचपोखरी सामुदायिक वनमा एक हात्ती मृत अवस्थामा भेटिएको थियो।